Higit sa 600 na kalahok mula sa 20 bansa ang magpapakita ng galing sa dalawang pandaigdigang paligsahan sa table tennis sa Lungsod ng Puerto Princesa sa susunod na buwan. Sasambulat ang World Table Tennis Youth Contender Series ng dalawang linggong sa Setyembre 3-6, at susundan ng World Table Tennis Feeder Series sa Setyembre 8-12 sa Edward S. Hagedorn Coliseum. Ang parehong torneo ay magtatampok ng tig-20 bansa, kung saan ang Pilipinas ang may pinakamalaking bilang ng kalahok na 60 atleta na pinangunahan ni Kheith Rhynne Cruz, isang miyembro ng pambansang koponan, kasama ang isang koponan mula sa Puerto Princesa. “Malaking tulong ang mag-host ng isang international event dito sa ating bansa. Una, dahil ma-minimize natin ang gastos at sabay-sabay, nakakalaban mo ang mga world-class players,” siwalat ni Philippine Table Tennis Federation Inc. president Ting Ledesma sa Philippine Sportswriters Association Forum sa Philippine Sports Commission media room nitong Martes, Agosto 11.