Napaulat kamakailan ang pagsagip ng isang magsasaka sa isang Philippine Eagle matapos niya umano ito makitang inaatake ng mga unggoy sa Malaybalay City, Bukidnon. Kinuyog nga kaya ng mga unggoy ang agila o binaril ng tao? Ayon kay Marven Linoy, ang magsasakang sumagip sa agila, inatake umano ng mahigit 30 mga unggoy ang dambuhalang ibon. Kuwento niya, umaga ng Hulyo 3 nang mapadpad siya sa gubat at nakakita ng pagkakagulo ng mga unggoy. Ipinunto ng PEF na apex predator ang Philippine Eagles kaya paborito nitong pagkain ang mga unggoy at “more dominant species” kaysa mga ito.