European-American University tok say di conferment of honorary doctorate degree on popular Nigerian musician, Dauda Kahutu Rarara, no be from dem, as dem describe di degree as fake. However, for one statement wey dem publish on dia official website, di institution say: Disclaimer – Fake “convocation” for Nigeria – di University no confer any honorary degree on Dauda Kahutu Rarara,” di statement read. Di institution also say dem no authorise any convocation to hold for dis location, and add say pipo organise dis event fraudulently witout di knowledge or consent of di university. Di university also dismiss claims say dem dey based for Dominica and Panama, according to wetin dem write for di banner for di event. Di institution add say dem go contact Nigerian authorities to take action against dose behind di fraudulent convocation.