Riba 19 di augustus 2026, Dia Internacional di Fotografia, lo tuma luga e premiere oficial di e documentario Through the Lens: Desmond Ridderstap, fotografia di caya y e reflexion di Identidad isleño. Si bo ta un persona cu t interesa den fotografia di caya, cultura of kier mira Aruba for di un otro punto di bista, bo ta bon bini. Through the Lens ta ofrece un bista personal riba bida y trabou di fotografo di caya Desmond Ridderstap. Pa medio di su reflexionnan personal y su imagennan, e documentario ta invita publico pa mira Aruba for di un otro lens. Publico lo tin oportunidad pa topa cu Desmond Ridderstap personalmente y mira un exhibicion chikito cu un seleccion di su potretnan di fotografia di caya.