Rezultatet zbuluan lidhje gjenetike me familjen e doktorit Frederick Dettmann dhe, sipas padisë, treguan se ai ishte babai biologjik i Josephit. Më tej, testi zbuloi edhe nëntë gjysmë-vëllezër të tjerë, duke ngritur dyshime se rasti mund të mos jetë i izoluar. Sipas padisë, Lukezick ishte paciente e Dettmann në vitin 1982 dhe, pas vështirësive për të pasur fëmijë, mjeku i kishte rekomanduar inseminimin artificial. Rasti ka rikthyer gjithashtu në vëmendje një incident të vitit 1985, kur Dettmann ishte akuzuar për sulm ndaj një gruaje gjatë një ekzaminimi gjinekologjik. Hetimi dhe procesi gjyqësor pritet të hedhin më shumë dritë mbi mënyrën se si është kryer procedura e inseminimit dhe nëse ka pasur raste të tjera të ngjashme.