Türkmenistanyň Daşary işler ministrliginiň Halkara gatnaşyklary institutynyň binýadynda «Halkara hukuk» atly Aşgabat halkara platformasyny döretmek teklip edilýär. Halkara hukuk ýylyna taýýarlyk görmekde we ony geçirmekde köpçülikleýin habar beriş serişdelerine möhüm orun degişlidir. Beýan edilen teklipleriň hatarynda Birleşen Milletler Guramasynyň Sekretariaty we onuň ýöriteleşdirilen edaralary bilen bilelikde Halkara hukuk ýylynyň halkara çäreleriniň senenamasyny işläp taýýarlamak teklibi hem bar. Türkmenistan täze ählumumy meýillere laýyklykda, Birleşen Milletler Guramasynyň howandarlygynda Halkara gatnaşyklarda we diplomatiýada emeli aňy parahatçylykly ulanmak boýunça halkara kodeksi işläp taýýarlamak başlangyjyny öňe sürýär. Şunda ýurdumyzyň 2028-nji ýyly «Halkara hukuk ýyly» diýip yglan etmek baradaky teklibine aýratyn üns berilýär.