Deputadu iha Parlamentu Nasionál, Antonio Verdial de Sousa, hatete katak kazu na’ok ne’ebé kontinua akontese iha kapital Díli kada loron kauza husi falta kampu servisu. “Ita bele dehan katak kazu na’ok sira ne’e kauza husi falta kampu servisu. Nia dehan katak kazu na’ok ne’ebé envolve tantu minoridade no adultu sira liga ho problema finanseiru ne’ebé obriga balun atu na’ok. “Ita haree na’ok iha Díli laran ne’e la’ós de’it telefone, maibé karteira, ema-nia osan iha pasta, motor no sasan sira ne’ebé folin boot,” Deputadu Verdial hatete. Deputadu haktuir katak, relasiona ho akontesimentu refere, governu tenke kria polítika atu aumenta kampu servisu ba sidadaun sira, nune’e bele hamenus kazu na’ok.