Sekretária Estadu ba Igualdade (SEI), Elvina Sousa de Carvalho hateten planu governu dala-sia, fó prioridade kria rejime jurídiku espesífiku ida hodi promove no proteje direitu traballadór doméstika sira-nian. “Agora ita hotu nia konsentrasaun mak kriasaun lei rejime jurídiku ba traballadór doméstika nian. Governu hakarak fó protesaun másimu ba ema sira ne’ebé vulnerável tantu traballadór doméstika no traballadór jerál, liu-liu feto sira ne’ebé servisu uma laran tenke aprova lei espesífiku mak dalan ida atu alkansa traballu dignu ba traballadór doméstika sira,” nia hateten. Maibé kuandu liu ona ida-ne’e traballadór sira iha direitu atu hetan pagamentu extra. “Dezafiu ne’ebé ami hasoru iha Timor-Leste mak menus kapasidade no abilidade ba servisu traballadór doméstika nian,” nia hatetenNia rekomenda ba governu atu fó mós formasaun ba traballadór doméstika sira atu empregadu sira selu ho saláriu bo’ot sira mós tenke fó prestasaun servisu ne’ebé kualidade.