Sot gushti ka ardhur përsëri, por nuk ka më të njëjtën dritë, të njëjtën ngrohtësi dhe të njëjtin gëzim, sepse mungon ti. Nuk ekziston pasuri më e madhe se dashuria e një nëne dhe nuk ka dhimbje më të rëndë se mungesa e saj. Ti nuk je më para syve tanë, por je përgjithmonë në zemrat tona, në lutjet tona dhe në çdo hap të jetës sonë. Do të na mungosh në çdo gusht, në çdo festë, në çdo gëzim e në çdo dhimbje, sepse ka mungesa që koha nuk i shëron kurrë. Ti nuk je më në këtë botë, por je përgjithmonë në shpirtin tonë.