Tavolina, karrige, frigoriferë, materiale të ndryshme dhe gjësende që shiten bllokojnë dhe pengojnë lëvizjen e lirë të qytetarëve në trotuare. Më problem del të jetë lëvizja e personave me nevoja të veçanta si dhe për prindërit që lëvizin me karroca për fëmijë. Ata ankohen jo vetëm për bizneset, por edhe për veturat e parkuara në trotuare. Përndryshe, në raste të zaptimit të trotuarit pa leje ose nëse tejkalohet hapësirën e lejuar, inspektorati mund të kërkojë largimin e pajisjeve dhe mund të shqiptojë sanksione. Ka raste të dokumentuara ku lokaleve u është dhënë afat për largimin e tavolinave/karrigeve të vendosura ilegalisht në trotuar.