“Që nga dita e parë e agresionit të plotë të Rusisë, Kosova ka qëndruar pa mëdyshje me Ukrainën”, ka shkruar Konjufca. Postimi i plotë:“E marrim me keqardhje deklaratën e Presidentit Zelenskyy në Beograd, ku ai rikonfirmoi mosnjohjen e Republikës së Kosovës nga Ukraina. Që nga dita e parë e agresionit të plotë të Rusisë, Kosova ka qëndruar pa mëdyshje në krah të Ukrainës. Në të njëjtën kohë, ne e kundërshtojmë me respekt, por në mënyrë të vendosur, çdo paraqitje të Republikës së Kosovës përmes prizmit të integritetit territorial të Serbisë. Do ta mirëprisnim njohjen e Republikës së Kosovës nga Ukraina.