E atleta di Aruba, Bryden a agrega dos medaya di plata na su coleccion despues di un tremendo participacion den e competencia di PBJJF, na Madison, New York.Bryden a logra e resultado durante e competencia di Profesional Brazilian Jiu-Jitsu Federation (PBJJF), cerando un siman exitoso di competencia internacional. Cu e dos medaya nobo, Bryden awor tin un total di cuatro logro importante den e ultimo competencianan: Dos medaya di plata na PBJJF New York, un medaya di plata na NAGA New Jersey y un Championship Belt, conkista despues di gana e titulo mayor di e campeonato na New Jersey.E participacion na New York tabata ainda mas desafiante pasobra Bryden no tabata tin un competido den su propio division di peso. En bes di no participa, el a dicidi di acepta e reto y subi na un division di peso mas pisa, unda el a enfrenta e competidonan cu tabata mas pisa y cu un nivel di competencia mas halto. A pesar di e diferencia den peso, Bryden a logra conkista dos medaya di plata: Uno den e categoria GI y un den NO-GI.E resultado ta refleha e preparacion y disciplina cu e atleta ta pone den su entrenamiento na Thunderbox297, bou di guia di su coach Ross Ismail. E resultado ta un motivo di orguyo pa Aruba y un incentivo pa Bryden sigui traha duro, sigui lucha y sigui kere den su mes.