Hustisia Periodo di registrashon di Rib’e Lugá prolongá te ku 31 di òktober 2026Willemstad, 7 di ougùstùs 2026 – Konseho di Minister a disidí di prolongá e periodo di registrashon di e proyekto Rib’e Lugá ku tres luna. Ademas, durante ehekushon a surgi algun asuntu práktiko relashoná ku e proseso, ku ta ser atendé huntu ku e partnernan envolbí. E periodo èkstra ta brinda partisipantenan e oportunidat pa finalisá nan registrashon ku debido kuido i hasi uso di sosten ku ta kuadra ku nan situashon personal. E eksperensia di e lunanan ku a pasa ta mustra ku un parti di e grupo di indokumentado ku ta nos meta tin mester di mas tempu i guia personal. Ministerio di Hustisia lo sigui guia e ehekushon di Rib’e Lugá ku atenshon, huntu ku e organisashonnan ehekutivo i partnernan sosial envolví.