Mientras Gobierno ta celebra e ponemento di e containernan pa recoge desperdicio, parlamentario Eduard Pieters di Partido Patriotico di Aruba (PPA) ta bisa cu Aruba no por sigui confundi alivio temporal cu solucion permanente. Segun Pieters, Aruba ta enfrenta un crisis di desperdicio cu no a cuminsa awe. Pa mas di un decada, diferente gobierno a reacciona riba e problema cu e solucionnan temporal, mientras e cantidad di desperdicio ta sigui crece. Segun Pieters, e problema cu Aruba tin actualmente no por ta resolvi solamente cu mas baki of mas container. Pa Pieters, Aruba mester un strategia nacional cu ta bay hopi mas leu cu simplemente recoge desperdicio.