Eduard Pieters (PPA): “Un aña despues di un decision unanime, cuerpo policial ainda sin bodycam”

Pa parlamentario Eduard Pieters di Partido Patriotico di Aruba (PPA), e falta di bodycamnan pa cuerpo policial no ta solamente un problema operativo. Bishita na Cuerpo PolicialE parlamentario a relata cu despues di e mocion unanime, PPA a bishita cuerpo policial y a haya oportunidad di wak personalmente con e sistema di bodycam y dashcam ta funciona. Pero e fecha a pasa y, segun Pieters, cuerpo policial ainda no a haya nada. Pa e lider di fraccion di PPA, esaki ta un ehempel di un problema hopi mas grandi. Segun Pieters, diferente decision aproba den Parlamento ta sigui sin implementacion, debilitando e rol constitucional di e poder legislativo.