Inspektorati Qendror për Mbikëqyrjen e Tregut (IQMT) ka njoftuar se ka zhvilluar sot një inspektim lidhur me dyshimet se qumështorja “Vita” përdor ujin e ujitjes në procesin e prodhimit dhe përpunimit të produkteve të qumështit. Janë marrë mostra të ujit që përdoret në procesin e prodhimit. Pas përfundimit të analizave dhe pranimit të rezultateve zyrtare, institucionet kompetente do të ndërmarrin të gjitha veprimet e nevojshme në përputhje me legjislacionin në fuqi. Ministri i Bujqësisë, Armend Muja, të martën paralajmëruar kallëzim penal ndaj kompanisë rajonale të ujitjes “Drini i Bardhë”. “Të gjitha marrëveshjet do të rishikohen që shkelje të tilla... Ujin e fermerit për ujitje, që e ka financuar Ministria e Bujqësisë, nuk mund ta marrësh për ujë të pijes e as për prodhim të qumështit.