No lubida ora cosnan ta sosode na cas di bo bisiña, ta un aviso pa bo ta consciente, prepara y cuida locual cu bo tin. Laga nos yama danki na Dios, cu Dios tin nos man tene, si asina mes ta Dios tin nos man tene, pasobra e man cu nos tin no tin e forsa necesario pa gara y para contra tur e atakenan cu ta bini contra nos, pero Dios tin nos man tene. For di testament bieu E a cuminsa bisa nos: No tene miedo pasobra Mi ta cu bo, no desmaya, pasobra Mi ta bo Dios, Lo Mi fortalece bo,si lo Mi yuda bo, si, lo Mi sostene bo cu e man drechi di Mi Husticia (Isaias 41:10). Pasobra Ami ta Señor bo Dios, Kende ta sostene bo man drechi, Kende ta bisa bo, no tene miedo Mi ta yuda bo (Isaias 41:13). Sinembargo, mi ta constantemente cerca bo, bo a coge mi man drechi tene, cu bo conseho, lo bo guia mi, y despues ricibi mi den Gloria (Salmo 73:23-24).