Eduard Pieters (PPA): “Nos no por sacrifica nos herencia pa proyecto cu ta dudoso”

Segun lider di fraccion di PPA, Eduard Pieters, Aruba ta enfrentando un tendencia peligroso, caminda ta impulsa proyecto grandi sin cu e planificacion necesario ta cla. Pero, e solucion no ta pa sigui expande Aruba horizontalmente sin un plan integral, sacrificando nos naturalesa, siguridad y herencia historico. “Nos mester cambia e manera cu nos ta desaroya na Aruba.” “Si nos kier preserva nos naturalesa y nos calidad di bida, y percura pa suficiente vivienda, nos mester adapta e ROPV na e realidad di awe.” Nos ta contra e decisionnan cu no ta basa riba planificacion, investigacion y respet pa nos comunidadnan.”