Me një fjalë, për të mbrojtur interesat e përbashkëta të oligarkëve politikë opozitarë, ata janë bërë bashkë për ta mbajtur Kosovën në bllokadë institucionale. E kjo, sipas këtij argumenti, do të thotë se kur nuk ka institucione, nuk ka as shtet. Nëse dikush e vendos interesin e partisë dhe të grupeve të interesit mbi interesin e shtetit, atëherë bllokada nuk është politikë, por strategji për ruajtjen e privilegjeve. Prandaj janë bërë bashkë, me një zë, për t’i mbrojtur pasuritë e dyshuara dhe për ta mbrojtur njëri-tjetrin. Kjo bllokadë po shihet dhe po thuhet hapur edhe në mediat e Beogradit, por edhe në disa media në Kosovë.