Por, ndoshta kjo histori apokrife përcjell një të vërtetë më të çuditshme, domethënë se askush në të vërtetë nuk e shpiku artin. Artifici u përgjigjet llojeve të para të bukurisë dhe të së vërtetës: bukurisë së gjeometrave; së vërtetës së kontabilistëve. Ai lë gjithçka ashtu siç gjeti, sepse niset nga supozimi se mënyra se si ne zakonisht mendojmë për botën, mjafton për të ditur se si është ajo në të vërtetë. Në një kuptim më parësor, arti e shpiku njerëzimin duke u dhënë njerëzve qasje në procesin përmes të cilit ai nxjerr në pah një botë - së bashku me gjithçka tjetër. Ajo që dua të them këtu është se arti nuk shërbeu për të shprehur njerëzimin që veçse ekzistonte.