Eduard Pieters (PPA): Ta sigui cuestiona e uzo di 16 miyon florin di ATA y kier sa und’e placa a bay

Pa Parlamentario Eduard Pieters di Partido Patriotico Arubano (PPA), e cuestion principal den e debate rond di e suma di 16 miyon florin di Aruba Tourism Authority (ATA), ta e splicacion cla y transparente di su destino. No a crea ATA pa bira un banco di GobiernoSegun Pieters, ATA tabata crea cu un mision specifico: fortalece e producto turistico di Aruba. Pa e motibo ey, e parlamentario ta cuestiona si e institucion ta desviando di su proposito original, ora ta reserva miyones di florin pa e proyectonan cu, tradicionalmente, ta responsabilidad di diferente ministerio. “Tur esakinan ta importante,” el a bisa, “pero ningun di nan ta e mision original di ATA.” “Pueblo tin derecho di sa, unda e placa ta bay, kico e ta financia y con ta tuma e decisionnan aki.”