Ai shpjegoi se e qara e parë tregon për një kondicion të mirë, për adaptim të mirë dhe për fillimin e frymëmarrjes së pavarur. Ai tha se foshnja duhet të ushqehet me një orar të caktuar dhe jo çdo herë që qan. Dr. Morina tha se rekomandohet që foshnja të mbahet pak në krah pas pirjes, për t’i ndihmuar lirimin e ajrit të tepërt. Neonatologu bëri apel që prindërit t’i respektojnë vaksinat sipas kalendarit të vaksinimit dhe të mos bien pre e frikës apo miteve të pabazuara shkencërisht. Duke folur për stinën e verës, Morina tha se prindërit nuk duhet të mendojnë se viruset janë problem vetëm i dimrit.