Japonia ka ndërmarrë një nga reformat më të mëdha në fushën e sigurisë kombëtare që nga përfundimi i Luftës së Dytë Botërore, duke krijuar Byronë Kombëtare të Inteligjencës, e cila nisi zyrtarisht punën këtë të premte. Kryeministrja Sanae Takaichi e cilësoi këtë reformë si “vetëm hapin e parë” të modernizimit të shërbimeve të inteligjencës. “Në një botë gjithnjë e më të paqëndrueshme, është e domosdoshme të përballemi me format e reja të luftës,” deklaroi ajo. Deputetë të opozitës dhe organizata të të drejtave të njeriut paralajmërojnë se zgjerimi i kompetencave të inteligjencës mund të cenojë privatësinë dhe liritë civile. Kritikët kërkojnë mekanizma më të fortë mbikëqyrjeje demokratike për të shmangur abuzimet me pushtetin, duke kujtuar se para dhe gjatë Luftës së Dytë Botërore shërbimet sekrete japoneze u përdorën për të shtypur kundërshtarët politikë dhe qytetarët.