Tri raste të ndara të të shtënave me armë në ahengje familjare janë raportuar gjatë 31 korrikut në Prishtinë, Podujevë dhe Pejë. Gjatë ndërhyrjes, policia ka sekuestruar një pushkë automatike AK-47, një pistoletë me gaz dhe gjashtë gëzhoja. Ndërkaq, në Pejë, në rrugën “Bajram Muriqi”, rreth orës 21:30, një burrë u arrestua nën dyshimin se kishte shtënë me armë në një aheng familjar. Policia i ka sekuestruar një pistoletë me gaz, ndërsa me vendim të prokurorit ai është liruar në procedurë të rregullt. Janë arrestuar dy të dyshuar meshkuj kosovarë, pasi që në një aheng familjar kishte pasur të shtëna me armë zjarri.