Vendimi erdhi pas mocionit të ngritur për shkarkimin e tij nga pozita e liderit të partisë. Akt për të cilin do të mbështeteshin nga mbarë opinioni dhe do të mbaheshin mend për të mirë nga populli dhe të gjithë qytetarët e Kosovës, të cilët faktikisht janë lodhur duke shkuar nga zgjedhjet në zgjedhje dhe, përveç shpenzimeve të panevojshme, as zgjedhjet nuk po sjellin zgjidhjen e problemit të presidentit/es. Me përsëritjen e ngërçeve vetëm sa po e paraqesin Kosovën para botës si shtet jo stabil dhe të paqëndrueshëm politikisht në Ballkanin Perëndimor dhe rajon. Ai duhet të bëjë krejt çfarë mundet e di, bashkë me ish-presidenten Vjosa Osmani, për formimin sa më parë të institucioneve shtetërore dhe të mos lejojë të shndërrohet në “mashë” të askujt për ta çuar vendin, për interesa meskine të ndonjë opozitari tjetër, përsëri në zgjedhje të parakohshme. Në fund, Qarri ka potencuar se procesi i shkarkimit ndaj Abdixhikut ishte i panevojshëm dhe se Kosova ka nevojë për përfundimin e ngërçit institucional.