Megjithatë, autoritetet shëndetësore theksojnë se nuk ka arsye për alarm. Varianti dominues në Kinë vazhdon të jetë Omicron NB.1.8.1, i cili sipas CDC-së ka arritur një nivel të moderuar transmetimi. Në të njëjtën kohë, gripi ka shënuar rënie, me normën e pozitivitetit në 12.6%. Organizata Botërore e Shëndetësisë e ka klasifikuar variantin NB.1.8.1 si një “variant nën monitorim”. Sipas vlerësimit të saj, ai përhapet më lehtë, por nuk ka prova që shkakton sëmundje më të rëndë se variantet e tjera që qarkullojnë.