Një parti nuk mund të kërkojë vota në emër të parimeve dhe të qeverisë në emër të interesit, pa e shpjeguar këtë ndryshim. LDK-ja ka të drejtë të refuzojë koalicionin me LVV-në. Nëse kryetari negocion pa autorizimin e partisë, atëherë LDK-ja ka një problem të kontrollit politik dhe të demokracisë së brendshme. LDK-ja duhet të vendosë nëse dëshiron të mbetet parti e një tradite politike, apo të shndërrohet në një mekanizëm koalicionesh pa identitet të qëndrueshëm. Sepse kur parimet vlejnë vetëm deri në momentin kur hapet dera e pushtetit, qytetari nuk humb besimin vetëm në një parti.