Gati 10 mijë njerëz në Gjermani vdiqën nga shkaqe të lidhura me nxehtësinë deri më 19 korrik, tha sot Instituti i Shëndetit Publik të vendit, duke shënuar numrin më të lartë vjetor që nga fillimi i regjistrimeve në 2016, transmeton Anadolu. Shifra e mëparshme më e lartë vjetore u regjistrua në vitin 2018, kur RKI shënoi rreth 8.900 vdekje të lidhura me nxehtësinë. Sipas RKI-së, rreth 7.900 vdekje të lidhura me nxehtësinë ndodhën midis fillimit të prillit dhe 12 korrikut, me 1.900 vdekje të tjera të regjistruara gjatë javës 13-19 korrik. RKI tha se më shumë gra sesa burra vdiqën nga shkaqe të lidhura me nxehtësinë, kryesisht për shkak se gratë përbëjnë pjesën më të madhe të popullsisë së moshuar. Instituti tha se nxehtësia rrallë shkakton vdekjen drejtpërdrejt, por shpesh kontribuon në vdekje në kombinim me kushte paraekzistuese si sëmundjet kardiovaskulare, të mushkërive.