Minister di Turismo, mr. Wendrick Cicilia, dos siman pasa a anuncia cu dia 1 di augustus frontera aereo cu Venezuela lo habri. Ronella Croes, CEO di A.T.A., a informa cu no ta den su rol pa confirma e informacion cu frontera ta habri diasabra awo, pero e rol ey ta cay bou di e autoridad concerni. Sinembargo, semper nan ta parti di e dialogonan di reapertura di frontera aereo. Ta premira cu ora e frontera habri, e proceso lo ta uno gradual. Segun Croes, nan sa di aerolineanan cu ta interesa pa reinicia bastante of mas rapido cu nan por cu servicio aereo.