Disa shkolla në SHBA pritet të pajisen me dronë të armatosur me sprej piper, të projektuar për të reaguar ndaj personave që paraqesin kërcënim me armë. Përveç përdorimit të sprejit me piper, pajisjet mund të përdorin sirena të forta, drita paralajmëruese dhe manovra shpërqendruese për të penguar një sulmues. Programet pilot tashmë janë miratuar në disa shtete amerikane. Sipas planit, në shkolla do të vendosen nga 30 deri në 90 dronë në pika të ndryshme ruajtjeje, në mënyrë që të mund të aktivizohen shpejt në rast emergjence. Pavarësisht kundërshtimeve, disa autoritete amerikane e shohin këtë sistem si një mjet shtesë për të reduktuar kohën e reagimit gjatë incidenteve të rënda në shkolla.