Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo caminda na luna di juni 2026, e prijs promedio pa bari di petroleo a baha na US$ 86.00, loke ta representa un caida di US$ 16.34 of -16.0% compara cu luna di mei 2026 cu tabata US$ 102.34 pa bari. Na juni 2026, e prijs di gasolin a registra un aumento di Afl. 11.30 cen cu ta un aumento di 4.3% y a contribui un efecto di 0.21 ppt riba e CPI mientras cu prijs di diesel a permanece sin cambio y no tabatin efecto riba e CPI di juni 2026. Na luna di juni 2026, utilidad, gasolin y diesel como grupo, a registra un aumento di prijs di 1.3% compara cu luna di mei 2026, contribuyendo cu 0.21 ppt na e CPI. Cambio di prijs di cuminda y servicio di catering na luna di juni di 2026E indice di “Cuminda & servicio di catering” a registra un aumento di 0.1% na juni 2026, despues di a registra un aumento di 0.5% na mei 2026.