Unë gjykoj se i gjithë pluhuri i ngritur për (mos)suksesin e tij si lider dhe të LDK-së si subjekt me traditë të gjatë politike nuk është i rastësishëm. te rishqyrtimi i modelit dhe i narrativës së organizimit të të gjitha strukturave partiake. Përkundrazi, është një tagër që vetë Lumiri e ka promovuar vazhdimisht publikisht, në rast se nuk arrin ta rrisë kuotën elektorale. Në secilën parti politike bashkëkohore, figura e kryetarit është “lokomotiva” simbolike e të gjitha kënaqësive e pakënaqësive, sukseseve e dështimeve, por edhe e fitoreve apo humbjeve në një cikël të caktuar zgjedhor. Shikuar nga këndvështrimi sociologjik, ky Kuvend nuk është thjesht një proces zgjedhor brenda LDK-së, por, në gjykimin tim, është një test i aftësisë së saj për ta rikthyer kohezionin organizativ dhe besimin e humbur publik.