Egnatia e ka mbyllur me zemër të thyer aventurën në Ligën e Kampionëve, pasi u eliminua në mënyrën më dramatike të mundshme – pas gjuajtjeve të penalltive. Gjithçka u vendos nga pika e bardhë, aty ku gabimet e Bitrit dhe Ndrecës rezultuan fatale për skuadrën rrogozhinase. Pavarësisht eliminimit, Egnatia lë pas një paraqitje me shumë karakter, duke treguar shpirt gare dhe duke e mbajtur gjallë ëndrrën për të vazhduar më tej në garën më prestigjioze evropiane për klube. Egnatia do të përballet me Shamrock Rovers në raundin e tretë kualifikues të Ligës së Evropës, ndërsa në rast eliminimi do të ketë të siguruar një vend në play-off të Ligës së Konferencës. Rrugëtimi evropian nuk përfundon këtu për Egnatian, e cila pavarësisht zhgënjimit të madh largohet nga Liga e Kampionëve me kokën lart./Telegrafi/