Pesë oficerë policie britanikë janë plagosur pasi një varkë e Njësisë së Policisë Detare të Metropolitane u përplas me Urën Westminster në Londrën qendrore. Sipas policisë, disa prej oficerëve që ndodheshin në bord ranë në ujë, por u shpëtuan nga kolegët e tyre dhe shërbimet e emergjencës që mbërritën menjëherë në vendngjarje. “Bazuar në informacionet që kemi deri tani, pesë oficerë policie janë plagosur dhe po marrin trajtim mjekësor. Presim një përditësim mbi shkallën e dëmtimeve të tyre”, njoftoi Policia Metropolitane. 🚨 NEW: Five armed police officers have been injured after their boat crashed into Westminster Bridge and ended up in the water pic.twitter.com/1JwDjt53LA