Pa sigui stimula talento local: ELMAR ta sostene e Rookies na Soca Monarch

Pa prome biaha, ELMAR ta orguyosamente participa como sponsor oficial di Aruba Soca Monarch cu un enfoke special riba e proximo generacion di artista: e rookies. Aruba Soca Monarch ta celebra creatividad y expresion musical local, y ta un evento di gran importancia pa Aruba. Como un compania local, ELMAR ta reconoce e balor cultural y ta sigui compromete pa apoya iniciativanan cu ta fortalese comunidad na Aruba. Como parti di e sponsorship, ELMAR ta presenta e Soca Monarch Rookie of the Year Award, un premio dedica pa reconoce y stimula talento nobo cu ta mustra potencial y pasion pa musica soca. ELMAR ta desea tur rookies hopi exito cu e proximo competencia di Aruba Soca Monarch, y ta spera cu e evento lo sigui crece como un pilar cultural cu ta eleva musica y talento Arubano.