Recientemente tabata na Aruba un ekipo di volley procedente di Colombia, esta VP Volleyball Team. Y nan a probecha nan estadia pa nan a hunga algun wega amistoso. Aaron Antersijn, di Synergy Volleyball Team a indica cu e ekipo di Colombia tabata kier a hunga algun wega amistoso, pa cual a organisa un anochi alegre. Prome e team di U-19, mucha muhe y despues a sigui un wega entre Synergy A-klas contra di e ekipo di Colombia. E muchanan di Aruba tabata un poco nervioso den nan wega contra di e ekipo di Colombia, cual ta comprendibel, pa motibo cu e ekipo di Colombia ta hunga den un di e nivelnan mas halto di Bogota.