Një aeroplan me 15 persona në bord u rrëzua në një zonë malore të Kolumbisë veriore të mërkurën, pa asnjë të mbijetuar, tha agjencia kolumbiane e aviacionit civil. Aeroplani, një Beechcraft 1900D, ishte në një fluturim të brendshëm për linjën ajrore private Searca, e cila është e lidhur me Satena, dhe ishte ngritur nga Cucuta (veri, pranë kufirit me Venezuelën) me destinacion Ocana. Kontrollorët e trafikut ajror humbën kontaktin me aeroplanin rreth 10 minuta para se Beechcraft të arrinte në destinacionin e tij. Mbetjet e aeroplanit u gjetën në një zonë malore pranë qytetit La Playa de Belem. Midis viktimave janë kongresmeni Diogenes Quintero dhe Carlos Salcedo, një kandidat për Kongres në zgjedhjet e ardhshme të marsit.