Har sett etter nye uønskte stoff– Det nye i år er at vi har inkludert uønskte stoff som ikkje har vore analysert i dette overvakingsprogrammet tidlegare – såkalla «emerging contaminants», fortel HI-forskar Anne-Katrine Lundebye. Dette er stoff som blir brukt mot skadelege, levande organismar, til dømes innan plantevern. I fullfôr – fôrblanding som skal gi fisken alle næringsstoffa den treng – blei det funne målbare konsentrasjonar av ei rekke ulike pesticid. Insektmiddelet klorpyrifos blei funne i alle dei analyserte fôrprøvane, men i svært låge konsentrasjonar. Ingen spor av utfasa tilsettingsstoffI motsetnad til tidlegare år, blei det ikkje funne spor av tilsettingsstoffet ethoxyquin (EQ) i fullfôra som blei analyserte.